Храм святого великомученика Георгия Победоносца - Молитва св. равноап. Марии Магдалине
Выделенная опечатка:
Сообщить Отмена
Закрыть
Наверх
 

Молитва св. равноап. Марии Магдалине

Молитва святой равноапостольной Марии Магдалине


     "О святая мироносице и всехвальная равноапостольная Христова ученице Магдалино Марие! К тебе, яко верней и мощней о нас к Богу ходатаице, грешнии и недостойнии ныне усердно прибегаем и в сокрушении сердец наших молимся. Ты в житии своем страшныя козни бесовския испытала еси, но благодатию Христовою явно тех свободилася еси; и нас молитвами твоими от сети бесовския избави, да непрестанно во всем житий нашем делом, словом, мыс-лию и тайными помышлениями сердец наших верно послужим единому Святому Владыце Богу, якоже Тому обещалися есмы. Ты паче всех благ земных Сладчайшаго Господа Иисуса возлюбила еси и Тому чрез житие добре последовала еси, Божественными ученми Его и благодатию не токмо свою душу питающи, но и множество людей от тьмы языческия ко Христа чудному свету приводяши; то ведуще просим тя: испроси нам у Христа Бога благодать просвещающую и освящающую, да ею осеняеми преуспеваем в вере и благочестии, неленостно тщимся служите ближним в их нуждах духовных и телесных, памятующи пример твоего человеколюбия. Ты, святая Марие, бодренно благодатию Божиею протекла еси житие на земли и мирно отошла еси ко обители небесныя: моли Христа Спаса, да молитвами твоими сподобит нас непреткновенно совершит странствие наше в сей юдоли плача и в мире и покаянии скончати живот наш, да тако и в святости на земли поживше, вечныя блаженныя жизни на небеси сподобимся и тамо с тобою и всеми святыми вкупе выну восхвалим Троицу нераздельную, воспоим Едино Божество, Отца и Сына и Духа Всесвятаго во веки веков. Аминь".


Назад к списку